СО ХУМАНИТАРНА АКЦИЈА ОДБЕЛЕЖАНА НЕДЕЛАТА ЗА БОРБА ПРОТИВ ГЛАДТТА

Црвен крст на Република Северна Македонија Општинска организација Велес од 16-ти до 22-ри октомври со хуманитарна акција ја одбележа Неделата за борба против гладтта. За таа цел во соработка со Жито маркети се поставија пунктови за донации во четири маркети низ градот. Граѓаните купуваа производи и потоа истите ги оставаа во пунктовите во вид на донации.

Согласно повикот се донираа, прехрамбени производи кои не можат да се расипат и кои имаат подолг рок на траење. Кон акцијата со свој придонес се прикличи и компанијата Жито.

Хуманитарните пакети се веќе подготвени и дел дистрибуирани до крајните корисници.

Поради пандемијата со Корона вирусот оваа година Неделата за борба против гладтта Општинската организција на Црвен крст ја орбележува на овој начин, а не преку традиционалната акција во основните и средните училишта на територија на Општините Велес, Градско и Чашка каде учениците купуваа вредносни бонови.