ДОНИРАНИ 20 КОМПЛЕТИ УЧИЛИШЕН ПРИБОР

Од донираниот училишен прибор, во просториите на Општинска организација НА Црвен крст Велес, нашите волонтери спакуваа 20 ранци исполнети со сè што му е потребно на еден ученик – тетратки, комплет линијари, шестар, блокови за цртање, водени бои, темперни, дрвени и мрсни боици, острилки, моливи, гуми, фломастери, ташнички за прибор и сл.

Во текот на оваа недела, ранците ќе бидат поделени кај семејствата на кои им се најпотребни, со цел секое дете да ја започне новата учебна година со насмевка, радост и неопходниот училишен прибор.

Искрено благодариме на сите граѓани кои донираа, како и на нашите волонтери за нивната несебична посветеност и поддршка.

Заедно можеме да направиме разлика и да овозможиме среќен почеток за секое дете.