ЕДУКАЦИЈА ЗА ДИЈАБЕТ СО КЛУБОТ НА ПЕНЗИОНЕРИ

Во просториите на Црвен крст на Република Македонија Општинска организација Велес денеска се одржа едукативно предавање за дијабетис со претставници од Клубот на пензионери.

Едукацијата ја одржа волонтер Доктор Јадранка Мишкова која пред присутните ја објасни дијагнозата, класификацијата, клиничката слика, видовите на дијабетесот како и начините на лекување и видот на терапија.

Предавањето е дел од одбележувањето на Неделата за борба против шеќерна болест од 16 до 22 октомври и дел од годишната програма за работа на Клубот на пензионери при општинската организација на Црвен крст од Велес.